CoCo幸福肥現雙下巴
組合少女標本、吳業坤、馮允謙及王君馨等昨日出席迎接2017活動，近日頻頻被拍得與男友何猷君拍拖的CoCo（袁紫僑）驚現雙下巴，她說：「一直都有，呢個係不動產！」日前有報道指她因害怕四太梁安琪而拍心口，她澄清：「當時係同男朋友傾無聊嘢。」並否認與男友同居。
其餘兩位成員Jessica及Kabby單身多時，問到CoCo會否介紹富二代給姊妹認識？抵死的Jessica笑說：「呢啲唔使講出口，最好嗰個（何猷君）都冇咗！」Kabby則坦言想盡快結婚：「身邊太多人結婚，搞到流口水！」記者笑指CoCo似乎有較大機會結婚，她即說：「暫時未有呢個計劃。」此外，吳業坤連續出席兩個活動，問到是否穩袋數十萬酬勞？他說：「夠錢過肥年同食點心，可以叫頂點！」
