狄易達創業做監工
唱跳歌手狄易達日前出席活動時，透露與好友合資六位數字搞網上生意，預計明年2月正式推出：「係關於室內設計嘅，因為本身我有做開《安樂蝸》，同埋以往啲人想裝修要搵朋友，又或者落街搵設計師，但好多時會貨不對辦，或者收貴咗，點樣令件事公平公正呢？我哋就做咗個網絡嘅配對平台，希望幫人解決呢啲問題，我哋做顧問咁去監工同篩選。」
除要籌備生意外，達仔表示最近亦忙於創作明年推出的歌曲：「希望下年嘅專輯入面就算唔係全部，但都有一半係自己嘅歌曲，呢個都係我其中一個夢嚟，我想自己寫啲快歌，依家嘅快歌一年比一年少，令我更加決心想做多啲快歌出嚟！」