袁嘉敏性感睡美人
東網巨星全新娛樂節目《星魅博》播出後深受歡迎，每集均請來時尚達人為大家逐一點評女星的衣着打扮，帶來最In的潮流小Tips！今集請得名模陳嘉容任客席主持，分析今年大熱的睡衣造型及內衣外穿等性感打扮。性感上陣的袁嘉敏憑fit爆身形，輕鬆駕馭貼身的lace裙。相反，穿上紅色吊帶睡衣裙的汪詩詩，卻因為沒有佩戴任何飾物，略嫌時尚感不足。
袁嘉敏
「佢個cutting收得好靚，令到佢身形嘅線條都表露得好靚，性感得嚟亦都好高貴，有80分。」
汪詩詩
「佢呢條紅色嘅吊帶裙好有睡衣feel，但係我哋有時出街都唔想畀人哋感覺好睡衣(o架)嘛，所以其實可以加番少少accessories，令到成個造型時尚感一啲。」
鍾浠文
「呢一個corset feel嘅top，我覺得佢着得好靚。如果佢條裙換咗條tight pants嘅長褲，我覺得成個感覺更加有型、性感。」
石貞善
「套衫着得佢有少少臃腫，因為條裙都幾bulky，所以如果佢下身換番一條熱褲，短啲，又或者都係一條貼身啲嘅褲，望落去個線條應該會修長啲、靚啲同埋瘦啲。」
Cara G.
「一個好鄰家少女嘅純情風，白色吊帶係一個夏天必着嘅item，係一個感覺純情少少嘅睡衣，好清純嘅感覺。」
