蕊蕊35F美人魚Big爆帛琉
蕊蕊早前到帛琉寓工作於娛樂，在當地與陽光海灘玩遊戲，更大晒35F強勁上圍扮演美人魚，一償童年心願。可惜五天的旅程樂極生悲，懷疑皮膚因紫外線過敏出現一撻撻紅腫。
藝人蕊蕊早前應旅行社邀請到帛琉，擔任派對表演嘉賓。完成活動後，她在當地多留數天玩樂。自小就喜歡美人魚卡通角色的她，今次終一償所願扮演美人魚。她在大會安排下在沙灘上化身美人魚拍照留念，其造型亦凸顯35F的驕人上圍。她說：「其實開心之餘都幾辛苦，因為着咗件美人魚衫後係郁動唔到，只可以一直坐喺個沙灘度，如果要換甫士就要喺沙上面瞓喺度碌來碌去換位，都好攰o架。」她亦嘗試了礦物泥護膚，將含有礦物成分的泥塗滿全身，她笑言：「全身爽晒！」
長期暴曬 皮膚紅腫
在當地逗留五天的蕊蕊自爆此行樂極生悲，因長期在戶外暴曬下，回港發現皮膚出現一撻撻紅腫。她說：「因為我一返香港就要轉機去北京做嘢，都冇時間睇醫生，但上網睇過有機會係紫外線過敏，對腳最嚴重，依家都要着長褲遮住啲一撻撻，唔想嚇親人。」問到此行有否艷遇？她坦言被不少領隊和導遊「抄牌」攞電話號碼：「禮貌上都有交換，返到香港後都有收到訊息，不過自己都好忙，又要四出登台，所以都冇乜點理會。」
文：專案組