張敬軒美食當前要減肥

歌手王菀之（Ivana）與張敬軒將於明年2月假紅館舉行演唱會，最近兩人忙於練歌及排舞，互相投訴對方的首本名曲難唱又難編曲，不過坦言最大挑戰不是練歌排舞，而是減肥！軒仔扁嘴說：「公司每日都為我哋準備豐富餐單，包括白烚雞柳、青菜……」Ivana則偷笑說：「嘻嘻，因為我鍾意煮嘢食，個餐單我為自己設計，所以唔係食呢啲！」軒仔續說：「最大挑戰係開騷前面臨好多考驗，包括冬至、聖誕節、新年、農曆新年同情人節，全部都係好多美食嘅大節日！」Ivana笑說：「呢啲都係我好愛嘅美食節日，不過我哋有跳舞，可以幫忙消脂！」