ReVe遇寒風 下次先騷肌！

由劉瑞祈（Kay）及陳子華（Cavan）組成的男子組合ReVe，前晚在尖沙咀街頭表演，吸引百多位歌迷及途人圍觀，場面熱鬧。兩人跟舞蹈員又跳又唱《派錯派對》等快歌，雖然Kay早前右腳十字韌帶撕裂，但他仍落力跳舞。兩人又表演多位前輩的歌，如歌神張學友的《頭髮亂了》、陳奕迅的《單車》、麥浚龍的《有人》等，期間兩人向歌迷送出印有他們卡通肖像的毛巾。最後歌迷更向今天（30號）24歲生日的Kay送上蛋糕，令他大感驚喜。

被歌迷熱情感染

受訪時兩人表示首次作出街頭表演，很開心有這麼多人支持，他們亦說很喜歡這種表演，因為可以近距離跟歌迷接觸，跟台上表演很不同。問到近距離表演可怕會遇到瘋狂歌迷？Cavan笑言：「其實都好（口架），大家一齊玩吓，最好同我哋一齊跳。」講到當晚天氣寒冷，兩人表示原本都怕會影響表演，但來到現場就被歌迷熱情感染，故這種天氣剛剛好：「因為我哋平時跳完舞會流哂汗，今日幾涼爽反而好啲。（但天氣凍你哋咪冇機會騷肌？）來日方長，我哋都係出咗道半年啫，大把機會，我哋已經預備好。」

表演後，ReVe與粉絲大合照。	Kay、Cavan	ReVe準備了印有他們卡通肖像的毛巾送給歌迷。

攞拐杖唱慢歌

講到Kay腳傷，他指不會影響表演：「依家進入番狀態，warm up夠都應付到，冇問題。（嚟緊做手術？）二、三月中間會做手術。（唔會停工休息？）唔會呀，出年我哋會出慢歌，希望到時我可以攞住拐杖好有型咁唱慢歌。」講到今次街頭表演完後，可會激發他們想快些開騷？他們表示：「今日對我哋係challenge，我哋已經當呢個係我哋嘅騷。（會唔會希望下年開正式演唱會？）當然希望，但唔敢諗咁多，想做好出年隻碟先。」另外，兩人昨日到電台宣傳新歌，期間有工作人員向Kay送上生日蛋糕，他表示生日願望是除了身邊所有人身體健康外，亦想明年ReVe有更好成績。

文：音樂組　

攝：劉智源