被譚玉瑛激親？李家鼎澄清冇爆粗

藝人李家鼎被指與譚玉瑛主持無綫節目《阿爺廚房》時，因被對方激親而爆粗，要監製於後期製作時刪掉爆粗片段。李家鼎昨日受訪時強調不曾爆粗，與譚玉瑛亦合作愉快：「邊有呀！我有時大聲大氣，但做咁耐Live都冇爆過粗！」有指譚玉瑛在節目內發問無知問題及質疑其廚藝，以致激親他，李家鼎再度否認：「佢唔識就問我，我就答佢等陣啦！可能啲人咁樣以為我唔開心。」