踩入修頓派甜頭 陳凱琳利東街食買玩

擁有甜美笑容的前港姐冠軍陳凱琳（Grace）於今集東網巨星節目《區區有女神》中突襲灣仔區，行經利東街、玩具街及修頓球場，她直言每處地方都有不少回憶：「細個我會跟屋企人去『囍帖街』買揮春，依家利東街變咗好多時裝店同食肆，中西合璧，我成日都會嚟Shopping㗎！」其實每逢聖誕節及萬聖節，Grace都會到玩具街買應節Cosplay裝及禮物。行到修頓球場，Grace向運動男畀Like：「我細佬好鍾意打籃球，有時我都會去支持佢，運動叻嘅男仔係最Charm！」