小豬自誇好靚仔喪Selfie

羅志祥（小豬）相隔兩年再度來港開騷，昨晚在亞洲國際博覽館演出首場《2016羅志祥SHOW CRAZY WORLD世界巡迴演唱會---香港站》，獲羅媽媽、林奕匡與女友及無綫藝人鄧佩儀等捧場，但女友周揚青則未見蹤影。適逢聖誕節，不少歌迷戴上聖誕帽或鹿角頭飾應節，而小豬則身穿閃爆銀色外套登場，與舞蹈員跳唱《斷片》及《機器娃娃》等快歌炒熱氣氛！

製作費達2,500萬

是次演唱會的製作費高達2,500萬港元，舞台設有各種機關，當唱到《一枝獨秀》時，小豬大騷鼓技，引得歌迷不停尖叫！其後他以普通話打招呼：「大家聖誕快樂！今次是我第一次開演唱會過聖誕，亦是第一次跟香港歌迷過聖誕，你們開心嗎？昨晚有沒有開Party？有沒有宿醉？有沒有收到禮物？我想要說一些惡心說話，我收到很好的禮物，就是你們！」

有「台灣舞王」之稱的小豬，舉手投足都型爆！	小豬跳得又打得，「打」鼓個「打」！	小豬首次在聖誕開騷，氣氛格外熱烈。

自覺似漫畫人物

接着小豬改用廣東話打招呼：「大家好！我啲廣東話有冇少少進步？都係麻麻哋啦，你哋開唔開心呀？你哋開心我就開心，今次係我第一次嚟呢度，希望新場地有新表演畀大家。」期間，台下有歌迷大讚小豬靚仔，他即發揮「自戀」本色，以廣東話及普通話夾雜說：「我知我靚仔，你哋依家先知咩？頭先開騷前喺後台，我覺得自己好靚仔，好似係喺漫畫走出嚟咁！」見全場大笑，他即說：「笑咩？我講真，我不斷自拍，我真係覺得自己好靚仔！」並表示希望歌迷睇得開心，又叫大家今晚再捧場。

文：音樂組

攝：黎志輝