愛情麵包都要！李佳芯呻冇時間拍拖

藝人袁偉豪、李佳芯（Ali）、黃芷晴、譚杏藍、台灣創作樂團「慢慢說」，以及香港樂隊「小鋼炮」等，前晚出席《V city星星閃亮迎聖誕》，獲新鴻基地產代理有限公司租務副總經理孫雅茵小姐送上聖誕星星，祝願他們星途閃閃發光！

袁偉豪講舊愛滴汗

剛與岑杏賢分手的袁偉豪，被問到過Lonely Christmas的感覺，他說：「我有Message佢講聖誕快樂。（佢話畀過好多次機會你？）冇嘢講，再回應就好煩，總之做番好朋友。（放棄追番佢？）咁Never Say Never嘅，但呢刻冇諗。（唔諗愛情？）諗吓冇壞，有時幻想吓！一講呢啲我就流汗，感情嘅嘢，緣分到、合眼緣，咪有囉！（有合眼緣女仔出現咗？）我又流汗！最近同黃翠如喺新劇對手戲多，我唔係話我同翠如呀！係我想做好個劇。（搬屋都同舊愛同一屋苑？）近返工啫！有咩事方便照應。（方便照顧岑杏賢？）佢有屋企人睇住，點解我照顧佢？」

寄情工作的袁偉豪，講起舊愛即標汗。

放大圖片

「一路都話發展中」

至於Ali則重申緋聞男友陳炳銓是「發展中嘅朋友」，問是否因上位而低調處理感情事，她說：「第一日都係咁講，唔想次次都問感情。（仲欠啲咩？）時間！識佢之後冇停過，好少食飯、見面，但我攞獎佢都有恭喜我。（為事業放棄愛情？）我呢個年紀唔會啦，我一路都話發展中。（攞咗飛躍進步女藝員，唔做《學是學非》？）唔關事，係因為入咗劇，新一輯公司會Out我，加邊個減邊個就未知。」

新鴻基地產代理有限公司租務副總經理孫雅茵（中），帶領眾星歡度佳節。

台灣樂團「慢慢說」首度在港過聖誕，大讚好玩！

文：影視組