陳敏之囝囝幾嘈都瞓到

剛於冬至產子的「索腿天后」陳敏之昨日出院，但未有帶同囝囝見傳媒，她透露朋友為囝囝改了不少花名：「中文名未有，爸爸改緊，但『冬至』呢個當花名都幾得意，應該暫時冇人撞，如果改做真名，驚佢大個會打我。（唔帶囝囝見傳媒？）BB太細喇，等大啲先。」又指現時每晚餵人奶僅睡兩小時，又有谷奶、頭痛等情況，但每當看見囝囝的可愛樣便火速痊愈。問到老公可有幫手換尿片？敏之說：「老公學掃風同餵奶，我都未同個仔換過片，淨係搞個奶都搞好耐，因為要按摩乳房。（囝囝乖唔乖？）算係咁，淨係肚餓先喊，同埋我佗佢時四圍玩，佢習慣咗嘈雜環境都可以瞓，胎教好勁。」