岑杏賢斬纜：要畀幾多次機會先夠？
港姐出身的麥明詩「處女下海」拍電影，無綫高層樂易玲帶同一班港姐師姐包括朱千雪、陳庭欣及岑杏賢等捧場。袁偉豪日前在台慶頒獎禮公開多謝舊愛岑杏賢，令她成為追訪焦點，她說：「每個得獎者嘅感言都感動嘅，我身為佢嘅一位朋友，都戥佢開心。（聖誕點過？）同屋企人一齊。」
受訪期間，岑杏賢的「斬纜」態度相當堅決，記者再三問她會否畀機會袁偉豪，她說：「呢個問題問得好好，我都有問過自己，究竟要畀幾多次機會先夠！機會我畀咗好多，亦唔係第一次，一段關係失去咗信任之後，我唔知點樣去維繫，做朋友比較舒服，我哋有傾有講有聯絡嘅。分手至今一個月，需要啲時間去適應，希望大家畀啲空間我哋啦！」
