李彩華速擲42萬買車氹自己
藝人李彩華（Rain）近年穿梭兩地狂賺人仔，日前她與母親現身車行試車，見她冒雨連試兩部名車後，不足半小時已極速扑槌，一擲42萬港元買下。Rain事後表示新車是送給自己的聖誕禮物。
上月剛度過33歲生日的李彩華（Rain），近年事業愛情兩得意，與拍拖兩年的男友何遠恒感情穩定，於內地劇接劇更是豬籠入水。日前Rain難得回港，不用工作的她就與感情要好的母親，雙雙前往銅鑼灣的車行揀靚車。
跑馬地冒雨試車
當日下午約三時，Rain與母親現身車行，見母女二人四處揀選心水靚車，未幾Rain便於經紀陪同下，冒雨駕駛型號為GLA200的白色靚車外出試車，見她於跑馬地兜圈後即返回車行，再試另一部AMG系列靚車。Rain試完兩部車後，即與經紀密密斟，期間見她不時問母親意見，及後即見Rain極速扑槌簽下文件，一擲42萬元購入一部AMG系列新車，並與母親笑笑口離開。
為媽咪放棄辣跑
事後Rain接受本報訪問，她直言花費42萬買新車送給自己做聖誕禮物，近年榮升小富婆的她被問到為何不挑選超級辣跑，她解釋：「其實我好慳，以前都係買樓，舊車都揸咗6年，本來都想買辣跑，但架車都係媽咪用多，依家買呢部車都係遷就媽咪，等佢坐得舒服啲。」她更表示今年是豐收年，除了在內地拍了不少作品，最開心回香港拍了兩部戲，希望明年繼續順境。
文、攝：追蹤組