何傲兒單身聖誕搵人肉攬枕

聖誕節將至，藝人何傲兒（Lily）約埋家姐何傲芝（Gigi）睇聖誕樹，童心未泯的二人見到各款特色的聖誕樹顯得十分開心。她們透露小時候會全家布置聖誕樹，長大後仍會一家人慶祝：「我哋反而係正日陪家人，前後先陪朋友，今年聖誕媽咪話想食韓燒。」而Gigi表示今年會與麥雅緻、張頴康等開Party。講到聖誕節很多人一雙一對慶祝，但她們就要單身過佳節，Gigi表示冇所謂，Lily則笑言：「如果有拍拖梗係好，因為聖誕凍，想有個人攬吓，但都享受單身。（心急拍拖？）現階段想努力工作。」現年32歲的Gigi笑言自己可能會閃婚：「因為想生小朋友，唔想（年齡）差得遠。（接受到閃婚？）如果係適合嘅人，時間都唔係好重要。」