「索腿天后」陳敏之昨晨開刀誕下麟兒，BB重7磅11，腳板大大，一定是跟母親一樣擁一雙長腿。而敏之好友梁烈唯指太太已準備禮物給BB，森美就問定攞豬腳薑食。
恭喜！恭喜！昨日冬至，無綫藝員陳敏之開刀產子，BB重7磅11，手長腳長似足媽媽，連腳板仔都大過人，一定是個高大靚仔男孩。敏之昨日接受記者電話訪問，早上開刀生B的她難掩喜悅之情，問到BB似邊個？她說：「BB好多頭髮，個頭好大，頭形似老公。（咁似邊個？）我覺得似老公多啲，但老公就話似我多啲。」問到BB名字，她笑言朋友都說BB冬至出世，不如就叫「雷冬至」。敏之坦言因麻醉藥開始過，傷口開始有點痛，更指BB於保溫箱，故未能與他近距離接觸。
至昨日傍晚，敏之終於在instagram上載與BB的親密照，分享喜悅，她留言說：「各位Uncle，Auntie，我已經出咗世啦！我有7磅11，還擁有一雙大腳八，真係辛苦媽咪了！」敏之接受無綫新聞台電話訪問，指聽到BB聲時感動到爆喊，又指會嘗試餵人奶。