小儀冬至捱撞刮花「籮柚」

昨日冬至，DJ阮小儀駕駛迷你白色座駕行經佐敦道廟街時，愛車被另一部車輛從後「強吻」！小儀隨即落車查看，發現車尾遭撞花，激氣的她第一時間致電朋友求助。事後，小儀向記者報平安，對於無妄之災，自稱駕駛中的她說：「架車畀人撞，對方仲不顧而去，但報咗警唔方便講太多。（人有冇事？）完全冇事，淨係刮咗架車，刮花咗『籮柚』囉！」問到好友森美知否小儀撞車，他透露對方第一時間致電求助：「我係佢近身侍衞嘛！我叫佢冷靜報警，警方會幫手，好彩好小事，交畀警方搵嗰個人啦！（知唔知點發生？）佢話坐喺車度，感覺到有架車撞埋嚟，震一震，再望對方架車就走咗。」