唐紫睿文凱玲各行各「露」冇有怕
同是「晶女郎」的唐紫睿與文凱玲對於張秀文有機會做「師妹」，齊齊讚對方為人爽直兼工作認真！唐紫睿透露未有正式睇過張秀文的作品，但因拍過一場戲而認識：「佢份人係幾直，係可以做朋友嘅人！（佢做埋『晶女郎』怕唔怕地位受威脅？）唔怕！王晶講過每個類型嘅女仔就只會簽一個，初出道可以性感啲先多觀眾識，我依家都唔會點性感喇！不過都唔擔心得咁多，呢一行成日有新人。」
與張秀文同屆港姐出身的文凱玲指選美時覺得對方是對自己有要求、工作勤力的人，談到對方身材煞食時說：「各人有自己嘅Market，唔擔心得咁多！」另一「晶女郎」鍾采羲直言不擔心，因王晶起用的女星甚多。