「金秀賢女友」陳嘉莉唔識踩單車失片約
「人如果無夢想，同條鹹魚有咩分別。」這句電影經典金句，亦是23歲模特兒「翻版吳千語」陳嘉莉（Kelly）的寫照。來自廣州的她坦言做模特兒只為見偶像Angelababy一面：「讀大學時知道參加個比賽有機會見到佢，即刻報名，其實我一向冇自信，估唔到攞到冠軍，之後真係同Baby見面，好開心。」入行後她更有機會夥拍韓星金秀賢拍微電影廣告，飾演情侶，在上海拍攝期間更與他對足兩日，令她極度興奮。
西雅圖行騷
數月前轉投蕭定一旗下的Kelly，便有機會客串鄭丹瑞的《小男人周記3》，她說：「雖然只係客串，但我盡量諗點樣可以搞笑啲。」早前她到銅鑼灣一個商場試玩巨型聖誕樹，樹內布滿不銹鋼反光片，置身其中恍如在夢幻萬花筒一樣。她透露下一個夢想是正式做一位演員：「依家好多試鏡機會，我都學緊做戲。之前試鏡一部台灣戲，但因為唔識踩單車而冇揀我。」此事令她覺得更需要自我增值：「有學泰拳同泰文，因為爺爺嗰邊係泰國人。」雖然曾失掉角色，但她卻有意外收穫：「試鏡嗰時，對方問我最想去邊度旅行，我答西雅圖，點知第二日收到一個去西雅圖嘅模特兒工作，聖誕節會喺嗰邊行一個街牌時裝騷！」
文：名人組
服裝：SPYHENRYLAU
場地：FASHION WALK
