30歲俄國索模伊蓮娜（Irina Shayk）早前為內衣品牌Victoria's Secret行騷，被爆首度為41歲男友畢利谷巴（Bradley Cooper）佗B，事後二人一直封口不提。伊蓮娜周日被影到與未來奶奶Gloria於洛杉磯外出購物，穿超鬆身黑色冷衫的她仍然見到肚凸凸，包到實一實都冇用，仲唔戒口食雪糕，未來奶奶則全程貼身照顧，負責幫手推購物車。
雖然傳有喜已一段時間，但伊蓮娜經常獨自出入，男友畢利完全冇影，直至前日兩人才首度合體，畢利做司機車女友出入，不過伊蓮娜黑晒面，望落似乎唔多開心。