34D陳瑞瑩無遮掩沙丘火辣辣
有「翻版碧咸嫂」之稱的混血名模陳瑞瑩擁有34D噴血身材，早前她在越南全裸上陣拍攝超激性感照，躺在沙丘無遮無掩晒身材。她透露明年有意推出寫真集，並貫徹性感作風益粉絲。
向來不吝嗇騷身材的名模陳瑞瑩（Helena），早前到越南為當地雜誌拍攝性感照，除了指定動作比堅尼外，又全裸上陣，躺在沙丘上擺出不同甫士。初時她用手遮胸，後來索性大解放舉高雙手，無遮無掩大晒34D上圍及S形身段，火辣誘人！
預告明年出寫真
曾參加《Asia's Next Top Model》第一季的Helena，在越南擁有相當高的知名度及大批粉絲，早前她在當地逗留一星期，最難忘是在沙丘拍攝，她說：「因為當地好熱，我哋坐咗3個鐘嘅車，再步行咗1個鐘先到，喺沙丘拍咗4個鐘，個景真係好靚，出嚟效果好好，辛苦都值得。（今次好大膽，全裸上陣？）其實我唔係第一次全裸，之前都試過，我亦唔介意，只要影出嚟有藝術感、唔Cheap就可以。」從未推出寫真的她透露有意推出處女作：「之前見過Jessica C.同Angelababy嘅寫真，覺得好靚，我都想出，希望2017年可以達成願望。（寫真都會咁性感？）會呀﹗呢個係我風格。」
闖美進軍影壇
除了模特兒工作外，Helena亦渴望成為演員，現時有上演藝課程自我增值，並透露決定明年到美國洛杉磯發展電影事業：「其實當地已經有幾間經理人公司接觸我，我考慮緊簽邊間，我會先做模特兒之後再試鏡拍戲，因為當地嘅朋友話咁樣會易啲入電影圈。」
文：名人組