欣宜許廷鏗求財 孖寶Look發功

歌手鄭欣宜及許廷鏗（Alfred）昨日以「好運孖寶」身份到跑馬地馬場出席《好運1月1日賽馬日》記者會，兩人身穿紅黑格仔「孖寶裝」，還合體擺出象徵兩塊馬蹄鐵砌成的「W」圖案。而擔任司儀的麥美恩及朱智賢則以「好運BB」身份現身，兩人在台上公布馬會在元旦期間共會派發9,000萬大獎。欣宜及許廷鏗受訪時表示一月一日可以夾份買馬，但欣宜就謂彩票由對方保存較好，事關她曾錯手撕掉。

搣錯飛蝕本

欣宜自爆有次跟朋友到馬場玩：「嗰陣揀咗o隻馬個名好把炮，買咗一百蚊，最後唔中，於是我即刻撕爛張飛，點知過咗五分鐘宣布原來頭先嗰場取消唔計，可以憑彩票攞番100蚊，但我已經搣爛咗！但唔緊要，當做善事。」講到Alfred爸爸是馬主，他笑言叫欣宜要支持：「因為我阿爸好支持你，所以你要支持我阿爸隻馬。」而講到兩人身穿「孖寶裝」，Alfred表示欣宜告訴他會這樣穿：「我諗反正叫好運孖寶，所以就着埋，我連家傳之寶都攞埋出嚟。」

麥美恩有橫財運，期望再發新年財。

朱智賢慶幸今年工作多，還有機會拍攝了《天與地》。

朱智賢行運

至於美恩則自爆近年有橫財運，連續兩年在台慶中獎，朱智賢亦謂今年運程不錯，可以嘗試不同工作。美恩笑言希望可以keep住好運贏得9,000萬，朱智賢即說如果她中獎希望一人分一半，美恩則搞笑話七三分帳。

文：音樂組

攝：李柏儒