張衞健拒做蘇康個仔契爺
藝人張衞健昨日出席新片首映禮，作為蘇永康（蘇康）好友的他早知對方的太太懷孕，被問會否收對方的囝囝做契仔？他發揮搞笑本色說：「唔啦，做世叔伯得啦，做契爺要供書教學，不過替佢開心，BIG FOUR有後啦，我哋老懷安慰！」
他笑指若收為契仔定會天下無敵：「我可以教佢中史、世史、生物、人體學、解剖學，我係韋小寶仲可以教佢追女仔，嫖賭飲吹其他人教啦，我都唔識！」他又揶揄蘇永康現在才生BB：「佢60歲嗰陣，個仔18歲未？咁就好啦，有人同佢擔幡買水，原本係我負責拎車頭相o架，依家我負責揸車啦！」
