陳柏宇挑戰女友極限
歌手陳柏宇（Jason）與女子組合Super Girls（SG）昨日出席活動，Jason即場示範追女仔技巧，氹到SG的Cheronna非常冧！受訪時，問到他是否追女仔高手？他坦言亦曾試過失敗，又指經常激嬲女友符曉薇：「我成日挑戰佢耐性嘅極限，所以佢成日都嬲我，我叫佢小器BB。」
Jason明年將與女友拉埋天窗，但他坦言仍未求婚：「我想搵一個好完美嘅環境，一定唔係香港，我哋一年去十次旅行，佢就唔知邊次先係！」SG就自薦擔任其婚禮的表演嘉賓，又笑言可以留低飲喜酒：「表演免費，我哋再留低飲畀人情，不過你要介紹啲兄弟畀我哋識！」