基仔老婆大力點燈着晒火
歌手古巨基與太太向來恩愛，昨日他出席馬場活動時表示周圍飛去工作之餘，也會積極造人，笑言製造地不重要，重點是「有做」！又大講有味說話，指太太出力點燈，點到着火。
古巨基昨日為沙田馬場舉行的《浪琴表香港國際賽事》擔任表演嘉賓，藝人楊洛婷、葉蘊儀、JW（王灝兒）、太子珠寶鐘錶主席鄧鉅明與太太也有捧場，場面熱鬧。
近期為工作飛來飛去的基仔表示，聖誕會到美國紐約舉行巡迴演唱，倒數則在上海：「間中都喺香港，啱啱錄完新碟向哥哥（張國榮）致敬，有一首新歌係送畀哥哥，今年係佢60大壽，本來想今年出，但製作上延遲咗，會2月推出，隻碟扣除開支會捐畀哥哥嘅歌迷會。」雖然工作忙，但基仔稱一直有進行造人大計：「雖然要周圍飛，但老婆都一齊飛，made in邊度唔緊要，總之made咗就得。（太太有點你燈？）有呀，大大力咁點，點到着火。」問到是否以生仔作為2017年目標，他指生仔不能有壓力：「仔女都可以，有就得，照殺。」提到投注買馬，他自稱是運財童子，還笑言：「我今日都係童子。」
楊洛婷「造人」要度期
至於楊洛婷透露昨日是與組合Dear Jane主音老公Tim（黃天翱）結婚兩周年，但指對方工作太忙，造人也沒時間：「家人同朋友都成日問我幾時生，我盡咗力，睇吓佢有冇時間畀我，我要同佢經理人度期。父母已經幫將來嘅小朋友諗咗個好勁嘅名，男嘅叫黃上，女就叫黃后。」而同場的鄧鉅明稱現有兩匹愛駒，並笑說：「我兩隻馬都幾靚仔，好似我咁樣。其中一隻啱啱來港兩個月，要熟習香港環境先，仲未出賽，但我對佢有信心。」
文：名人組