出口術擄民心
黎耀祥：黎耀祥大講拍《公公出宮》的辛酸拉票：「『李肅恭』呢個角色都有深度喺入面，探討咗一個公公嘅感情世界，同埋一班公公嘅兄弟情，有好多好令人回味嘅感情喺入面，希望大家支持我啦！」
唐詩詠：唐詩詠憑《鐵馬戰車》入圍，相當識做的她帶同愛貓「銀仔」谷票：「今次係第一次角逐『最佳女主角』呢個獎項，『姚瑤』係拍劇咁多年嚟最似我嘅角色，希望大家可以支持我、投我一票，Thank You！」
李佳芯：以《律政強人》首次入圍的李佳芯落力拉票：「有提名已經好開心，希望票數唔好太低，因為係我第一次獲提名，大家記得上東網投我一票。」
張繼聰：憑《幕後玩家》入圍的張繼聰，一拉票即「Tim少」上身：「喂！你唔係唔投票呀？神經病呀你哋？我又多金句、又正、個人又有義氣，唔係唔投票呀？梗係支持我Tim少啦！係咁話喇喎！」
陳凱琳：憑《殭》入圍的陳凱琳，在劇中因失語症只能以眼神演出極考演技，她說：「之後講番嘢又變咗奸角，角色峰迴路轉，我係好奮不顧身去做好佢，希望大家支持！」
田蕊妮：憑《巨輪II》再以『姚文英』角逐視后：「相隔四年再演同一角色，對於演員確實係幾高難度！究竟可唔可以帶番之前感覺畀觀眾，而有少少唔同呢？大家記得投『姚文英』一票，記住，係去東網投票，Yeah！」
蔡思貝：憑《鐵馬戰車》入圍的蔡思貝笑言有提名已好開心，她笑住拉票：「好多謝有呢個提名，亦都好開心，所以大家記住上東網投我一票喇，多謝大家！」
袁偉豪：憑《城寨英雄》入圍的「牙佬」袁偉豪亦落力拉票：「好高興以《城寨英雄》『段迎風』（牙佬）呢個角色入選我最喜愛男主角，如果大家想支持我嘅，就去東網投我一票啦，多謝！」
王浩信：王浩信於《EU超時任務》憑「渠頭」一角人氣急升，他說：「呢個角色係我拍劇以來最難忘同最難嘅一次，好開心觀眾有共鳴，所以呼籲大家，如果鍾意『渠頭』嘅朋友就上東網投我一票啦！」
