展鵬定欣情侶食胡：靠你哋啦！

東網巨星Facebook專頁舉辦的《東網民選TV King & Queen 2016》，由本月8日起接受投票，搶先在《萬千星輝頒獎典禮2016》前，由劇迷一人一票選出今年民選視帝、視后！眾劇迷亦相當踴躍，更呼籲朋友齊齊投票，令三甲排名不斷更新，戰況相當激烈！而東網巨星特別請來各位候選人拍攝影片現身專頁拉票，並感謝劇迷投票支持。

「東網民選TV QUEEN」專頁 https://goo.gl/xh8fid	No 1. 胡定欣《城寨英雄》 2411票	No 1. 陳展鵬《城寨英雄》 1660票

截至昨晚七時，視帝、視后由《城寨英雄》陳展鵬與胡定欣兩位螢幕情侶，分別以1,660及2,411票繼續搶佔榜首，人氣強勁！身為票后的定欣繼續為角色「刁蘭」拉票：「今年我就憑《城寨英雄》有份提名『最佳女主角』同『我最喜愛角色』－刁蘭呀！希望大家上東網支持我，喺最後嘅頒獎禮亦都有好成績，靠你哋啦！」而去年成功封「東網民選視帝」的展鵬則說：「東網嘅朋友你哋好，我記得上年大家都有投我票！今年我憑《城寨英雄》『拳佬』角色入圍，有好多獎項都需要大家投票，要有一個好角色要配合天時、地利、人和，係一件好難嘅事，如果大家覺得今年有齊晒，記住投我票！」

No 2. 黃翠如《幕後玩家》 333票

No 2. 蕭正楠《巨輪II》 167票

蕭正楠博同情分

情侶檔黃翠如與蕭正楠雙雙發力搶攻第二名，翠如在近日播畢的《幕後玩家》結局篇中演技大爆發，成功憑333票超前朱千雪。對於演出獲讚，翠如拉票時說：「『顧成雙』係我自己演咁多個角色以嚟，相對係最困難！當然啦，知道自己仲可以有好多努力嘅空間，如果投我一票當係一個好好鼓勵，我會繼續加油。」至於曾經包尾的蕭正楠憑後勁追上，以167票排第二，他笑言可能是同情票：「可能大家睇完《幕後玩家》，覺得『馮汐然』好可憐啦！咁多啲票數咪多啲公信力囉！」他在拉票影片中亦繼續為「羅威信」谷票：「各位東網朋友，鍾意《巨輪II》記得投票喇！撞啱冬天仲要拍落水戲，又要喺山度吹風，大風到成個人都吹走呀！我哋用咗好多心機拍，希望大家支持我！」

No 3.朱千雪《EU超時任務》 153票

No 3. 郭晉安《致命復活》 155票

朱千雪恨攞尾彩

而「TV King」的第三名位置競爭相當激烈，《致命復活》郭晉安得155票，與《一屋老友記》歐陽震華的152票分別排第三、四位，故今次拉票成為關鍵！安仔說：「各位東網嘅朋友，如果你鍾意《致命復活》，鍾意我飾演『韋逸昇』呢個角色，請投我一票，Thank You！」而獲153票於「TV Queen」排第三的朱千雪則說：「呢個劇我哋都落咗唔少工夫，好畀心機演，好辛苦o架！好開心之前喺新加坡、馬來西亞有好成績，依家就爭香港觀眾喇，年尾有冇好成績，就靠你哋！」

No 4. 歐陽震華《一屋老友記》 152票	No 5. 黃宗澤《幕後玩家》 137票	No 6. 黎耀祥《公公出宮》 113票
No 7. 張繼聰《幕後玩家》 102票	No 8. 王浩信《EU超時任務》 90票	No 9. 馬國明《為食神探》 55票
No 9. 袁偉豪《城寨英雄》 55票

《東網民選TV King & Queen 2016》將於本月17日下午截止，各位劇迷謹記把握機會，立即於心水視帝及視后候選人影片中「畀Like」讚好，更可以點選「分享」即時轉發給朋友或粉絲團，總動員齊齊投票，選出新一屆民選視帝及視后。

No 4. 唐詩詠《鐵馬戰車》 104票	No 5. 田蕊妮《巨輪II》 77票	No 6. 萬綺雯《致命復活》 75票
No 7. 岑麗香《火線下的江湖大佬》 70票	No 8. 李佳芯《律政強人》 69票	No 9. 陳凱琳《殭》 35票
No 10. 蔡思貝《鐵馬戰車》 27票

「東網民選TV KING 」專頁 https://goo.gl/VxUmwu

「東網民選TV QUEEN」專頁 https://goo.gl/xh8fid

文：影視組