藝人曾志偉與太太宋麗華的細仔、現年34歲的曾國猷（Mark）外形似足父親，原來還遺傳了父親的演藝天分。前日Mark與好友無綫旅遊節目主持梁芷珮（Christy）拍了一段在車上夾口形扮偶像張學友唱歌的片段，上載到社交網後瞬即引起網民熱烈討論。片段中Mark以其敦厚身形，隨着偶像張學友的歌做出多個誇張的演唱動作，片尾一直坐在後座的Christy老公Ken，終於忍不住下車作狀打他，網民大讚片段搞笑。
Christy接受本報記者電話訪問，她表示當初拍攝片段純粹貪玩，沒想到回響這麼大：「識咗猷猷（曾國猷）十幾年，佢平時都係咁誇張。嗰日咁啱佢嚟我屋企，咁無聊不如搵嘢做，於是就決定喺車上面玩唱歌，全程一Take過，最難就係我要忍笑。」提到中段時Mark疑似冇扣安全帶，她解釋：「唔係，佢只係將上半段的安全帶擺咗去後面，佢冇除到(O架)！」據消息指連正在忙開演唱會的學友，看畢片段後，都大讚Mark唱得似模似樣，Christy對此大感驚喜：「唔知喎，真係好驚喜，多謝學友先，猷猷一定好開心，因為佢係學友Super Fans。」她又表示有意繼續拍片娛樂大家：「其實今次拍咗兩段片，嚟緊會上載埋另一段。之後應該會繼續，可能同其他唔同嘅單位合作。」
採：影視組
文：專案組