杜如風斷十字韌帶 重新學行路

「旅遊達人」杜如風（Helen）昨日在社交網上載睡在醫院病床的相片，並留言：「大家都知道我不嬲拍嘢都搏晒命、去到盡，又唔肯用替身！今次第一次用替身，就竟然傷到要入廠做手術！其實係因為自己百厭得滯，成日追趕跑跳碰，結果斷咗條膝頭哥嘅十字韌帶，要做手術駁番……」Helen接受電話訪問表示：「冇事！係扭傷膝頭哥嘅舊患，行路開始拐吓拐吓，所以就去睇骨科照X光同磁力共振，就發現十字韌帶斷咗，要做手術駁番。而半月板又磨損，不過手術都好成功，醫生話要大約兩至三星期睇情況，同重新學行路，而跑步跳舞就要起碼半年。」