梁浸浸獻吻冧暈祖兒

天后容祖兒（Joey）、Twins及鄭希怡（Yumiko）昨日出席二手衫pop up store活動，Yumiko愛女「梁浸浸」梁子柔亦有撐場。現年一歲多的梁浸浸cute爆現身，一臉天然呆的她完全不怕醜，不但向大家揮手及送飛吻，更向Joey獻吻，令對方冧爆，成功搶盡風頭。Joey及Yumiko表示是次活動由她們發起，Twins則幫手捐私人物品，收益會捐去Joey的慈善基金及梁浸浸的教育基金。

捐二手物品一舉三得

Joey表示今次捐出一千件物品，當中最私人的物品是鞋墊，因有些還未從鞋取出來。問到可捨得割愛捐出物品？她表示：「我之前睇咗本書叫《斷捨離》，人生好多嘢都係身外物，最緊要拎得起放得低，心愛嘢但暫時已經冇用，咁樣（賣出去）可以延續嗰樣嘢嘅用處，又可以幫到人，我又有更大動力再買衫，好似一舉三得。」問到可有叫男友劉浩龍捐男裝？Joey指今次賣女裝，反應好下次才賣男裝。

Twins不出席頒獎禮

Twins亦捐了不少物品出來，成員鍾欣潼（阿嬌）說：「仲有一個倉、兩間房同個廳啲嘢未執，淨係執咗一間房。」蔡卓妍（阿Sa）亦指每件物品都很珍貴，但清理一下是好事。提到聖誕節，兩人表示23、24日會到上海出席英皇群星演唱會，樂壇頒獎禮則不會出席。

容祖兒	祖兒與阿Sa爭抱梁浸浸。

Yumiko（左起）、阿Sa及祖兒捐出二手物壽款。

Twins預告不會出席樂壇頒獎禮。

文：音樂組　

攝：鄭家俊