張崇基難忘阿梅文靜睇書
歌手張崇基本月下旬將參與向已故天后梅艷芳致敬的慈善音樂會，阿梅生前提攜後輩，故他希望盡一分力在台上跟年輕歌手合作，起到傳承作用。講到與阿梅之間的難忘事，他坦言入行時參加明星足球隊，跟對方出埠表演籌款：「印象幾深嘅係覺得梅姐喺台上好百變、活潑，但原來私下好文靜，我哋搭飛機成日見到梅姐喺度睇書，覺得一個尊敬嘅藝人其實係有自己嘅Life，令我知道踏上舞台就會忘記私下嘅自己。」
另外，講到崇基現時育有四歲半囝囝，他踢爆囝囝愛唱歌：「家人同親戚都話佢係大聲公，好夠中氣，兒歌同大人歌都鍾意唱。」問到可有意追多個小朋友？他坦言：「喺香港養個小朋友好困難，同埋小朋友依家開始大個，唔想個步驟重新再嚟過，好辛苦，所以我哋唔強求，暫時都好Enjoy，順其自然。」
髮型：Hikii Shum@IL Coplo
化妝：April Chan