46歲楊峰超齡爭新人獎
現年46歲的歌手楊峰以「超齡」身份推出翻唱新歌《丁香花》，角逐本年度新人獎，他說：「遲（起步）就一定遲，音樂係唔限制於年齡，任何人都可以做自己鍾意嘅音樂。（同其他新人比會輸蝕？）輸蝕就梗啦，冇乜好怕，我相信好嘅音樂唔係靠外表，聽落去真係會入心入肺。」
楊峰自小就喜愛唱歌，但坦言父母反對他追求歌手夢：「本身讀書唔多，屋企環境又麻麻哋，父母話正正經經搵份嘢做啦，踏踏實實，呢啲路唔啱你！」為求圓夢，他勤奮工作，目前擁有個人洗車生意，生活已穩定下來，他說：「覺得自己人生有缺失，想搵番自己想要嘅嘢，決定投資6位數搞音樂追夢。」