可宜激光矯視唔做四眼妹
前有線娛樂新聞主播可宜最近接受激光矯視，正式脫離「四眼妹」行列。雖然做手術前已做足功課，但她仍表示非常緊張：「我由中一開始已經做四眼妹，之前隻眼成日發炎。做手術前醫生有同我講清楚點做，但瞓上手術床太緊張，連醫生都忍唔住問我！心諗唔緊張就假啦，我成個人硬晒！不過全程都只係做咗5分鐘。」
她表示得以「重見天日」時非常感動，慶幸日後不用再戴眼鏡工作：「做完第二日瞓醒起身，睇床頭鬧鐘數字係好清楚，真係好感恩！去旅行好方便，同埋做咗激光矯視後拍嘢都方便好多，因為有時拍嘢會拍通宵，依家唔使戴Con戴咁長時間，真係好舒服！」
