張頴康衰慢回罰碗魚蛋粉

捱足16年的張頴康早前終在《TVB馬來西亞星光薈萃頒獎禮2016》中，首奪人生第一個演員獎項「飛躍進步男藝人」獎，台上一段多謝太太麥雅緻撐起頭家讓他追夢的感人謝詞，令他人氣爆升！前日阿康與太太麥雅緻帶着女兒小豆接受訪問，談到攞獎後不少藝人都替他高興，紛在微博留言恭賀，張頴康直言當晚鄭俊弘比自己更高興：「我哋喺酒店房傾通宵，期間飲酒慶祝同抱抱互相鼓勵，大家識咗十幾年，大家睇住大家點樣行過嚟，佢當晚仲開心過我！」

跑足五年減磅

圈中人緣甚佳的阿康，直言當晚收到不少恭賀短訊，其中黃宗澤更因他遲回覆而搞笑詐型，阿康說：「我一上車攞電話出嚟就覆佢嘅短訊，佢詐型話我遲覆，又話要我請食飯，我話其他請唔起，魚蛋粉就絕對冇問題，所以依家我欠佢一碗魚蛋粉。」

黃宗澤	麥雅緻望住可愛小豆，有女萬事足。	萌爆小豆要自彈自唱，唔准爸媽手多協助。

16年的演藝生涯有高低起跌，阿康指五年前拍攝《護花危情》，因肥到爆而被監製劉家豪一句點醒：「當日家豪哥同我講，嘩！個角色叫爆呔唔係脹爆，以後好難搵角色畀你。」阿康指當時肥到連頸都見唔到，之後日日去跑步，每日8至10公里w，風雨不改，結果一跑就五年：「好多謝家豪哥，依家身體、面色都好咗好多，好嘅角色亦愈嚟愈多。」

密謀升呢男二

談到工作展望，阿康直言希望一步步上，下一步想做第二男主角。曾拍奶粉廣告的他，希望工作陸續有來，更想為小豆帶來妹妹：「我好喜歡一家人齊心去為家庭工作嘅感覺，如果能夠帶畀大家多啲正能量更好，希望多啲廣告商搵我哋啦！」

文：影視組

場地：apm