「索腿天后」陳敏之將於月底擇日開刀生B，昨日她公開一輯懷孕8個月時影的巨肚寫真，其中一張僅以薄紗遮掩，晒巨肚之餘更隱約透出長腿，上圍升Cup卻依然手腳纖幼。她笑言照片看似性感，但其實打晒底：「媽咪、老公都有一齊影。（影嗰陣B仔有冇踢？）佢成日都踢我，佢對腳好長，有隻飛毛腿！」
她打算待BB出世後再影輯相留念：「買咗套聖誕衫畀佢，同佢扮聖誕其中一個角色。」並透露坐月後便會復工拍新劇《溏心風暴3》。
