唐貝詩對狗演戲 冇失手

唐貝詩加入娛樂圈後，作多方面發展，最近與白只等人一同參與舞台劇演出，自小已喜歡演戲的她憶述小學時的演出經歷：「小學二、三年班做過舞台劇，第一次緊張到喺台度震，當時得兩句對白，今次係第一次喺香港演舞台劇。（緊唔緊張？）其實剛開始時冇咩感覺，覺得好容易，覺得好易融入，但發覺同電影好唔同，好多小動作導演都會執，點解隻手要咁樣？原來喺舞台上係唔好睇嘅，所以好多動作要設計出嚟，又要一Take過無得NG，所以會緊張，要好熟個故事。」

不過最令Lydia緊張的，是要跟狗狗做對手戲，問她怕不怕狗狗突然在台上失控？Lydia說：「失控就唔會，啲狗仔好聰明，佢哋係訓練學校主人嘅狗仔，由細到大教得好好，嗰日我哋影狗仔相，話Sit，佢就坐喺度，好多狗仔聽到聲都會衝，佢就冇，好聽話！」

唐貝詩細細個已玩角色扮演。	唐貝欣、唐貝詩	唐貝詩（右）近日參演舞台劇，還跟狗狗做對手戲。

一個人玩角色扮演

Lydia自言是一個想像力豐富的人，自小表演欲旺盛，她說：「例如啲人鍾意玩煮飯仔，我就會擺啲公仔喺度自己同自己講嘢，由細到大鍾意幻想，自然鍾意演戲。我試過拎媽咪啲香水樽嚟玩，當香水樽係女人身體，跟住我會分配呢個係女人，呢個係男人，然後結婚，仲會叫細妹扮精靈，叫佢噴火，我就收服佢！」正因為這種個性，Lydia在英國讀書時，試過自編自導自演，而這次舞台劇，令她過足戲癮：「呢兩個月差唔多日日排戲，排戲都係演戲o架嘛。」

場地：L16

服裝：Zeemo@walk in closet

文：李惠儀

攝：黎志輝