梁嘉琪歐遊食到病 鯨吞10隻生蠔
「學是學非」台柱梁嘉琪早前與舊同學歐遊，被當地種種美食吸引，食到病仍堅持繼續食，她笑說：「我平日唔係好食生蠔同芝士，點知喺丹麥發現啲生蠔價錢只係香港嘅三分一左右，仲要好新鮮！我連續3日下午茶都去食，仲愈食愈多，最尾一次過食咗成10隻。」
嘉琪提起荷蘭的「芝士節」零舍興奮，她說：「個節日喺每年4月至9月、每逢星期五嘅上午10點至下午2點舉行，咁都畀我哋撞中，舉行地點足足大過1個足球場，放住各式各樣嘅芝士類製品。朋友食唔落之際，我仲堅持要食，因為今次旅程成日轉機，我只可以帶15kg行李，買唔到返 香港嘛！」她遊覽布拉格時品嘗了地道甜品，令她一試難忘，她說：「嗰樣嘢好似麵包，上面放咗啲玉桂粉同沙糖咁，淨係布拉格先有，真係好好味！本來人哋仲會放雪糕上去，不過因為病，我已經好乖冇要雪糕喇，哈哈！」