歐陽震華吳業坤交換靈魂 天然呆有難度！

歐陽震華（Bobby）早前與劇集《一屋老友記》演員到台灣拍攝旅遊節目《一屋老友去旅行》，他坦言從未有劇集紅到可以拍旅遊節目，機會難得，要眾演員齊齊抽出檔期亦不是易事，他說：「全程14日，我拍咗10日，張彥博中途要返一返香港拍劇，因為套劇埋尾，佢一定要返嚟，拍完又即刻飛返台灣，今次去嘅地方都係老少咸宜！」

笑劉江內裏Open

同行有年紀較大的演員，問到會否特別辛苦？他說：「唔好睇羅蘭、劉江大年紀，其實佢哋好活躍，唔使人點樣照顧！劉老師仲同滕麗名玩水，其實佢都係外表斯文、內裏Open！」問到最難忘行程？他笑言是教羅蘭打保齡球：「最輕嗰個保齡球都八磅，羅蘭姐都打得有板有眼o架！」

吳業坤	《一屋老友記》演員去台灣拍旅遊節目，玩得盡興。

無綫邁向50周年，明年將打造50集長劇《誇世代》，由Bobby與陳豪擔正做男主角，內容講述時代變遷，Bobby與吳業坤會交換靈魂！Bobby表示雖然未有劇本，但故事題材新鮮，笑言要扮吳業坤天然呆的表情更是一項挑戰！向來擅長拍喜劇的Bobby，今次飾演的角色亦正亦邪，他說：「不過搵我同吳業坤都係有少少搞笑嘅，要靠劇本去幫助啦！其實同吳業坤合作過《情逆三世緣》，佢份人一啲都唔慢o架，都想同多啲年輕演員合作！」

場地：香港九龍東皇冠假日酒店

文：影視組