安俊豪台灣苦行等足8年捱出頭

歌手安俊豪（Simon）八年前參加《亞洲星光大道》入行，歌手之路卻遇上不少阻滯，他說：「當時亞視冇音樂節目，我攞咗大約幾萬蚊去台灣搵出路，去到慳住嚟使，頭一個月係住賓館。」在台灣居住的大半年，他參加歌唱比賽及擔任網台主持，該段時間正是其低潮期，他說：「比賽唔係幾順利，網台工作又冇得到公司青睞，最後仲用晒啲錢。」最終向現實低頭，回港做兼職Sales邊賺錢邊玩音樂，至兩年前經師姐甄詠珊推介才簽了現時的公司。