陳綽妮搵Dream Man睇中陸永有笑點
外貌可愛的o靚模陳綽妮（Elle）以傻氣笑容及纖瘦身形俘虜Fans，更會推出月曆玩制服誘惑！愛笑的Elle揀男友同樣要幽默，更大讚陸永夠靚仔，是她的Dream Man，認真估唔到！
年僅21歲的o靚模陳綽妮Sell日系青春可愛感覺，愛笑的她擁有虎牙，更添幾分魅力！雖然沒有豐滿上圍，但她以纖腰長腿及活潑傻氣為賣點，同樣吸納大批捧場客！
傻大姐演惡港女
Elle平日有拍片放上網，經常被安排演惡港女，她笑言現實中有時亦帶兇狠，但較多時間是「傻吓傻吓」，直言愛笑多過鬧人！談到擇偶條件，她認為對方一定要夠幽默，並大讚組合農夫的陸永是其Dream Man：「我覺得戴眼鏡會吸引啲，會有型靚仔啲，我覺得陸永靚仔o架，高大又幽默！我Follow咗佢好耐，中一、二已經鍾意佢，鍾意聽佢啲歌，睇佢啲戲，都想同佢合作一齊搞笑！（唔怕佢轉數太快？）我最多一味傻笑，冇嘢嘅！」
挑戰性感尺度
Elle預告年底會推出個人月曆，大玩泳衣、內衣及制服造型，挑戰個人性感尺度，她說：「之前我都係出電子寫真，好多Fans話想要實物，既然年底，就決定出月曆啦！大家就可以一年365日都見到我！我特別深刻嘅造型係護士Look，髮型好靚，鍾意淺色衣着。（想以制服誘惑俘虜Fans ？）我唔知佢哋鍾唔鍾意呀！我自己就好鍾意喇！今次三點式泳衣都算係我性感極限，我路線係傻豬可愛，性感方面唔會太過火，未必會再更激。」
Profile
姓名：陳綽妮 （Elle）
年齡：21歲
三圍：30C、22、33
身高：1米62
簡歷：曾推出電子寫真《37.5度Elle》，喜歡拍片上網，網上頻道有逾30萬點擊率。曾與盧海鵬合作漫畫大賞宣傳片，並為ViuTV節目《籌旗》擔任天使小姐。
場地：BIG ECHO i-Box
化妝：Kaylie Siu、Ellie Wong@iMAKEUP WORKSHOP
文：立影
攝：劉斌