盧頌之趙勁皓大肚vs六舊肌

藝人盧頌之(DaDa)與男友趙勁皓(King)拍拖多年經歷不少風雨後,最終修成正果。前日兩人公開宣布成功造人,DaDa現時懷有5個月B女。昨日DaDa還在社交網站放閃,上載一張和男友一起露出肚皮的合照,陀B五個月的DaDa肚子已好明顯,對比男友的六舊腹肌,相映成趣。DaDa還搞笑留言:「多謝你送咗一份全世界最好嘅禮物畀我,我個肚就愈來愈大,你嗰六舊腹肌就愈來愈勁,想唔想試吓掉轉?」

另一邊廂,King也上載同一照片,還冧爆留言:「我會令你成為最fit嘅產後媽媽,一星期後我會送個獎座畀你同女女,#你今日操咗未」,可見兩人十分期待BB女的誕生!