湯盈盈當眾唱歌氹女笑
藝人湯盈盈與姚樂怡均已為人母，二人不時相約聚會談湊女經。昨日記者在百貨公司見到她們，相約帶同愛女出巡。期間有女萬事足的盈盈為逗囡囡一笑，不惜放下形象當眾唱歌，更引來途人圍觀，場面搞笑！
藝人湯盈盈育有兩女，與有一女的姚樂怡感情要好，二人均是廿四孝媽媽，雖然同為職業母親，但只要有時間就會偕囡囡一起見面聚會，聯誼之外，又可分享湊女心得！昨日約下午四時，記者在銅鑼灣一間百貨公司，見到姚樂怡帶同未滿一歲的女兒Gaibe現身兒童部的10mois，為囡囡搜羅心頭好。只見她逛了大概十五分鐘，好姊妹湯盈盈就與細女Kassidy和傭人到來，兩位靚媽都不介意用孭帶孭着女兒。會合後，她們就一同主攻可愛的BB衫，遇上合心意的服飾，就即場為B女脫衣更換，難得兩位「豆丁」沒有扭計，齊齊當媽媽的「模特兒」試身。不過試衫時就顯得雞手鴨腳，最後試了多件衫仔和褸仔，成功入貨！
半小時後，盈盈與樂怡已火速購得心頭好，每人都揀選了兩大袋戰利品，並於收銀處等候付款。
抱囡囡玩自拍
期間二人母愛大發，手抱囡囡玩自拍，盈盈眼見女兒開始不耐煩，竟唱歌逗她笑，歌聲成功令囡囡手舞足蹈，但同時引來不少途人圍觀，更有人認出她們，拿出手機拍照。記者事後聯絡姚樂怡，她透露特意相約盈盈選購聖誕飾品：「盈盈啱啱喺TVB開完工，有啲時間咪約埋一齊買嘢。（見盈盈當眾唱歌喎？）係呀，因為嗰度好多人，我哋又想同個女影相，惟有施展渾身解數，盈盈仲唱埋歌囉，搞到好多人望住！」
文：名人組