蘇永康（阿公）前日開心宣布太太馮翠珊懷有慈姑椗六個月，他曾表示不想將來生個「游梁」出來，兒子絕對不可做背祖忘宗分裂國家的事，而青年新政梁頌恆在網上藉蘇永康歌曲的歌詞作出嘲諷，阿公更遭網民圍插。阿公昨日表示太太、好友張衞健都有開解他，他說：「我就快做爸爸係一件開心事，對網上言論唔再回應，我只係想講我都係愛香港嘅人，希望社會分化早日化解，好懷念香港人嘅團結，希望個仔出世時係喺一個好和諧嘅社會長大。」
對網民圍插，阿公說：「我唔係好識facebook，全部係歌迷幫我搞，所以我冇刪留言，亦冇Block任何人，老婆仲同我講其實咩聲音都有，有鬧都有好多讚，對於我個人言論，大家唔使咁激動，我唔係想同人撩交嗌。」對於十幾年前的過錯，他說：「我係錯過，但係之後有承擔，有負責任去改正。」亦不擔心網民繼續用不同途徑攻擊。