楊愛瑾佗Ｂ暈足三個月
藝人楊愛瑾（Miki）宣布有喜後昨晚首次公開露面，與老公郭永淳出席無國界醫生電影節開幕禮，身穿白色鬆身衫的她不時用手袋遮肚，問到懷孕幾多個月？她故作神秘說：「幾個月，過咗三個月。（預產期幾時？）新年後啦！（知道BB性別未？）知，但想留番做我哋之間嘅秘密，遲啲先講。」她透露佗B初期很不舒服：「大約兩、三個月冇出街，不過我唔係嘔，係成日暈，試過有次差啲喺屋企暈低。」
Miki主動表示是來支持老公：「佢間公司贊助無國界醫生，佢又第一次上台，所以過嚟支持。（如果BB第時想做無國界醫生都支持？）如果佢有呢個心，我會好支持，好有意義。」她又透露聖誕節會留港與家人度過。