嘉欣揚言恨奪「女配」 君馨大方投一票
王君馨、龔嘉欣是「最佳女配角」大熱之選，君馨於《城寨英雄》飾演花曼是最熱之選，但近日殺出《幕後玩家》淚崩搶位的嘉欣，戰況比視帝后獎項更激烈。
二人昨日受訪時表示會互投對方一票，嘉欣說：「自己提名女配角好多次，但今次反應咁熱烈就第一次感受到，君馨喺《城寨》要拍打戲又受傷，我哋受嘅苦唔同，我就心靈，佢就皮肉。」她昨日接受電台訪問時則表明恨攞獎：「入行八年都冇咁多人撐！」而君馨指未婚的嘉欣要演繹《幕》中角色不容易，又指「花曼」已給她很多，有沒有獎都開心。楊秀惠憑《來自喵喵星的妳》加入戰團，第三度提名「女配」的她被問到準備甚麼戰衣，她表示希望給大家驚喜，又指今年入行十二年，希望可奪第一個演藝獎項。
「男配角」方面，分別於新加坡及馬來西亞奪獎的曹永廉及楊明呼聲最高，雖然「細雞」曹永廉昨日未有現身，但好兄弟黃浩然就落力為他拉票。