Cheryl曲線報喜包唔住凸肚！

33歲女歌手Cheryl Cole連月來盛傳懷有組合One Direction成員、22歲男友Liam Payne的骨肉，雖然一直絕口不提，但兩人日前拖手到倫敦睇騷時始終包唔住個凸肚，穿上連身長裙兼襯埋大褸作遮掩的Cheryl明顯腹部隆起，喜訊不認不認還須認！另一30歲荷里活女星雅曼達施菲（Amanda Seyfried）前日出席國際品牌香水宣傳活動時穿上黑色透視裝，同樣明顯肚凸凸，以行動宣布有喜。雅曼達今年初因演出舞台劇而撻着拍檔Thomas Sadoski，兩人於9月火速訂婚，想不到話咁快仲有咗！