帽得彈！唐嫣仙女下凡
東網巨星全新娛樂節目《星魅博》播出後深受歡迎，每集均請來時尚達人為大家逐一點評女星的衣着打扮，帶來最In的潮流小Tips！今集請得名模陳嘉容任客席主持，點評一眾女星於莎莎婦女銀袋日盛裝打扮到馬場，所戴的帽子襯飾。唐嫣以長長的晚裝裙配一頂簡單的帽仔，仙氣十足！相反，羅霖及李成敏卻失手，裙子及帽子都太多細節位，令人眼花繚亂。
唐嫣
個感覺比例同顏色線條上都係攞足100分！雖然佢着住一條好長嘅晚裝裙，但係一啲都唔累贅，因為佢戴一頂好細同埋好簡單嘅帽仔，成個人嘅線條都好修長、好靚。
趙嘉懿
其實條裙好靚，但係襯埋呢一頂帽就有啲女俠feel。頂帽嘅shape有啲太平同太大，如果換番一頂細少少，同埋換斜少少嘅戴法，可能個感覺會更加靚。
何傲兒
其實佢條晚裝裙都好靚，可惜頂帽比較偏長同偏高咗啲，如果佢頂帽短啲，又或者條裙短番，去到膝頭哥對落兩三吋，就已經好足夠。
羅霖
條裙同頂帽太多details嘢，會令人冇咗個焦點，眼花繚亂。對鞋可以着番一對好plain嘅高踭鞋，已經好夠，依家上又重、中間又重、下面又重。
李成敏
其實條裙本身好多details位，再襯頂咁大嘅白色帽，上重下又重，變得更冇聚焦點，令造型唔突出。