江碧蕙帶新歡睇畫展
前女騎師江碧蕙（Sherie）月前公布跟法籍騎師老公李格力離婚，前晚帶同新歡Jerome一齊出席本地藝術家楊素珊和陳竹君舉辦的油畫作品聯展，她大方承認和男友Jerome拍拖幾個月，對方是法國西班牙人，任職網球教練：「我哋拍咗拖幾個月，係返到嚟香港先識。（會否怕咗結婚？）順其自然，開心就一齊，又唔係未結過婚，唔渴望唔期待，如果發生就隨緣，依家健康同開心最重要。」
Sherie續透露現剛開始擔任導師教授騎術：「依家有自己嘅生活，做自己鍾意嗰行，好多支持我嘅朋友，都叫我教佢哋嘅小朋友，家長又一齊學，策騎係一樣好好嘅親子活動。」問到是否已習慣獨立生活？她說：「有啲唔慣，因為小朋友唔係一齊住（兩個仔仔喺法國住），做媽咪都會掛心，好多謝科技進步，無時無刻都可以見面傾偈。（有冇掛到喊？）過去幾年成日飛，一年飛6次，近年都係半年喺香港，半年喺法國，模式一直係咁，小朋友都適應咗。」
