嘉晴開夜車驚動警方 范姜：冇理由唔畀佢做功課！

鍾鎮濤（阿B）與太太范姜昨日出席「嘉頓新抱」張王幼倫兒子張嘉慶（Adrian）開設的粵菜餐廳開幕活動，提到女兒鍾嘉晴在台灣的大學修讀服裝設計，在宿舍被隔籬房的同學投訴晚上衣車噪音，更驚動校方及警方。范姜表示好小事，學校已經處理，但同學不滿，所以打去報館。問到會否叫女兒不要開夜車？她說：「日頭返學，夜晚做功課，我同佢講叫佢衣車調開早啲，佢話會盡量，如果嘉晴做得唔啱，我會第一時間同佢講，但佢做功課，冇理由唔畀佢做。（嘉晴唔開心？）佢少少驚，同學少少忟，拍晒牆，好似地震咁，啲嘢跌晒，又踢門，佢唔開門都啱，點知佢有冇刀，雖然喺宿舍，最後驚動警察。雖然我係藝人，但校舍唔係我起，冇特權，而學校唔知佢係我個女，好小事。」問到會否叫女兒搬出來住？范姜表示覺得有老師看住會安心，搬出來住怕有人跟蹤。