何雁詩慘被整蠱：我唔拍動作片！
歌手何雁詩昨日被指疑得罪有勢力人士，被公開兩段色情短片於網上流傳。她接受訪問否認是片中人：「一定唔會係我，我都唔拍動作片嘅！」問到是否得罪人而被惡搞？她坦言甚少得罪人，覺得一頭霧水。
昨日有讀者爆料暗示歌手何雁詩（Stephanie）疑得罪有勢力人士，被公開兩段總共長達逾七分鐘的色情短片於網上流傳，片中女主角的樣貌與Stephanie有幾分相似。記者致電Stephanie求證，她語氣輕鬆地稱未看過相關短片，但否認是片中人。她笑說：「唔知有咁嘅事，但一定唔會係我，我都唔拍『動作』片嘅！我入行咁耐，大家知我個人係點，唔會誤會。（心情有冇受影響？）冇，我性格樂天，我係開心果。」
唔介意被惡搞
問Stephanie是否真的得罪有勢力人士而遭惡搞？她強調向來好少得罪人：「應該唔會。我好少得罪人，我心知肚明。我唔係『動作』明星，唔會諗咁多。」
Stephanie透露入行初期被指與日本AV女優小坂惠「撞樣」，她大方表示不介意被惡搞：「我入行頭一、兩年都有新聞炒作話我個樣似AV女優，當時都有朋友send番報道畀我睇，但係得啖笑，幾有趣。呢啲事冇就最好，但我慣咗畀人講。好似呢排我有新劇播出，有觀眾話我煩，我聽完咪算，唔會難過。但如果話我演技差同唱歌差，特別係話我唱歌差，我先會唔開心。如果話我個樣似某人，呢個世代咁多人，樣似都冇辦法。」
文：影視組