譚詠麟笑鄧月平跳舞似踩死蟻
將為ViuTV節目《美選 D.n.A》決賽擔任主評判的「校長」譚詠麟，昨日在尖沙咀與陳意嵐、張沛樂及鄧月平等八強佳麗見面，校長看完她們跳舞取笑說：「佢哋跳舞好似溫拿喺裏面，好似踩死蟻咁，我見到健仔（彭健新）呀！」至於泳裝環節，校長覺得佳麗要平均，郭偉亮笑說：「咁有幾個可以Foul走，有幾個太大，以前細個覺得C Cup已經好勁，依家係F、G Cup。」聽到校長嘩嘩聲。
被封「巨胸翠如」的鄧月平跳舞雞手鴨腳，她笑說：「呢個係我個人特色，我係騰雞寶寶，努力改善緊，決賽要跳舞，呢方面輸蝕，鬼叫我細個學打拳唔學跳舞咩。」現在45公斤的她希望在決賽前減到40公斤，計劃絕食減磅。而張沛樂表示信心與狀態一半一半，問到其演員男友林耀聲可有給予支持？她說：「佢都知我壓力好大，有少少負面，因為我係唯一玩晒所有環節，心情好似坐過山車咁，男友好支持我，見我唔開心，陪吓我都已經OK。」
